Ddirprwyaeth Sheffield DocFest 2025

Bydd y cynrychiolwyr a gaiff eu dewis yn derbyn pasys llawn i’r ŵyl a gan gynnwys gwahoddiad i barti er mwyn dathlu’r ffilm noson agoriadol a gefnogir gan Ffilm Cymru, Still Pushing Pineapples.

Bydd y pasys yn rhoi mynediad i holl ddangosiadau, sgyrsiau a chyfarfodydd bord gron yr ŵyl. 

Bydd llety yn cael ei ddarparu am 4 noson (18-22 Mehefin) mewn gwesty yn Sheffield a bydd y cynrychiolwyr yn derbyn bwrsariaethau ar gyfer costau teithio yn ogystal ag unrhyw ofynion mynediad (er enghraifft, gofal plant / dibynyddion, anabledd).

Ydw i'n gymwys?

Er mwyn gwneud cais:

• Rhaid eich bod wedi eich geni a/neu’n seiliedig yng Nghymru, dros 18 oed, a heb fod mewn addysg amser llawn;
• Rhaid eich bod ar gael i fynd i DocFest ar y dyddiadau perthnasol ac yn gallu teithio i Sheffield o leoliad yn y DU (ni fydd costau teithio rhyngwladol yn cael eu talu);
• Rhaid eich bod wedi bod â rôl arweiniol greadigol ar o leiaf un darn o waith sgrin sydd wedi’i arddangos neu’i ddarlledu'n gyhoeddus, naill ai ym maes dogfen, ffeithiol neu faes cysylltiedig (e.e. ffilm ffuglen, celf weledol, hysbysebion/hyrwyddo, ffotograffiaeth);
• Rhaid bod gennych ddyheadau i gyfarwyddo neu gynhyrchu ffilm ddogfen nodwedd gyda’r bwriad o’i rhyddhau mewn gwyliau/theatrau;
• Rhaid eich bod, hyd yma, heb fod yn brif gyfarwyddwr na chynhyrchydd ar ffilm nodwedd wedi’i chwblhau o dros 60 munud sydd wedi’i rhyddhau mewn gwyliau/theatrau.

Rydym yn awyddus i glywed gan wneuthurwyr ffilm sydd heb gynrychiolaeth ddigonol yn y diwydiant, gan adlewyrchu amrywiaeth o ran ethnigrwydd, anabledd, rhywedd, cyfeiriadedd rhywiol a chefndir economaidd-gymdeithasol. Rydym hefyd yn ystyried cynrychiolaeth ddaearyddol ledled Cymru.

Sut ydw i'n gwneud cais?

I wneud cais, llenwch y ffurflen gais isod a'i hanfon mewn e-bost i network@ffilmcymruwales.com erbyn y dyddiad cau ynghyd â'ch CV.
Fel arall, os yw'n well gennych, gallwch ymateb i'r cwestiynau yn y ffurflen gais drwy alwad fideo neu ffôn fyw gyda'n tîm. Dylid trefnu hyn cyn y dyddiad cau. Bydd yr alwad yn cael ei recordio.

Gall y ceisiadau gael eu cyflwyno naill ai yn Gymraeg neu Saesneg.

Amserlen

Ceisiadau:

• Dydd Mawrth 27 Mai 2025, 4pm - dyddiad cau derbyn ceisiadau
• Dydd Gwener 30 Mai 2025 - ymgeiswyr yn cael gwybod a ydyn nhw wedi’u dewis 

Y Cynrychiolwyr a fydd yn mynd i’r Ŵyl:

• Gweddill mis Mai hyd at 18 Mehefin 2025 - gwybodaeth a chymorth cyn mynd i’r ŵyl
• Dydd Mercher 18 Mehefin 2025 - cyrraedd y gwesty, noson agoriadol yr ŵyl
• Dydd Sadwrn 22 Mehefin 2025 - gadael y gwesty

(Gall y cynrychiolwyr estyn eu harhosiad yn Sheffield ar eu traul eu hunain os ydyn nhw’n dymuno. Dyddiadau'r ŵyl yw 18 i 23 Mehefin. Rydym wedi amseru ein presenoldeb yno i gyd-fynd â phan fydd y rhan fwyaf o weithgarwch y diwydiant yn digwydd.)

Cynhwysiant a Chymorth Mynediad

Ar gyfer unigolion sy'n F/fyddar, â nam ar eu clyw, yn anabl, yn niwroamrywiol neu â nam ar eu golwg, mae cymorth ac addasiadau pellach ar gael. Er enghraifft, gallwn dalu costau trefnu bod canllawiau ar gael mewn fformatau eraill (e.e. print bras), dehonglydd Iaith Arwyddion Prydain ar gyfer cyfarfod gyda ni, cymorth ysgrifennu i ymgeiswyr dyslecsig, neu weithiwr cymorth os oes angen. Cysylltwch â ni i drafod eich gofynion yn gyfrinachol. Cawn ein harwain gennych chi.

Cysylltwch â ni

Lottie Butcher, Rheolwr Lleoliadau Diwydiant
lottie@ffilmcymruwales.com

Gallwch hefyd ein ffonio ar 02922 676711 a gadael neges yn nodi eich enw, rhif, amseroedd cyfleus o'r dydd i alw, ac yn nodi eich bod yn gofyn am gymorth mynediad ar gyfer Dirprwyaeth Sheffield DocFest.