Philip Cholewa

“Cyn Troed yn y Drws roeddwn i’n teimlo fod yna ddiffyg cyfleoedd a chysylltiadau yn y diwydiant yn ogystal â diffyg gwybodaeth ynglŷn â ble a phryd roedd cyfleoedd ar gael. Gwaith caib a rhaw oedd  y rhan fwyaf o’r gwaith roeddwn i’n ei wneud o’r blaen.

Mae Troed yn y Drws wedi:

• Agor llwybr i mi i mewn i’r diwydiant a rhoi cysylltiadau i mi sy'n anfon manylion cyfleoedd ataf.
• Wedi dysgu i mi’r etiquette o fod ar set a beth ddylwn i fod yn ei wneud i ddechrau adeiladu portffolio ar gyfer y diwydiant.  
• Rhoi hwb i’m hyder a mynd am dan y cyfleoedd
• Dangos i mi fod y diwydiant yn chwilio bob amser am bobl gyda sgiliau a phrofiadau diddorol

“Ers cymryd rhan yn Troed yn y Drws, rwyf wedi mynychu nifer o wyliau a gweithdai ffilm. Rwyf hefyd wedi gweithio ar brofiad gwaith yn golygu ffilm fer. Fy llwyddiant mwyaf oedd helpu i gychwyn grŵp ffilm amatur yn Wrecsam gyda’r bwriad o wneud nifer o ffilmiau byr am yr ardal.”

“Byddwn yn bendant yn argymell Troed yn y Drws i unrhyw un â diddordeb mewn ceisio mynd i'r diwydiant ffilm; mae’n ffordd ardderchog o ddysgu am eich dewis faes ac o fagu cysylltiadau yn y diwydiant ffilm."