I Am Not a Witch

Wedi digwyddiad dibwys yn ei phentref, mae Sula, sy’n 9 oed, yn cael ei halltudio a’i gyrru i wersyll gwrachod ble caiff ei bygwth: os bydd yn ceisio dianc bydd yn cael ei throi’n afr. Wrth iddi geisio ymdopi â’i bywyd newydd rhaid iddi benderfynu naill ai i dderbyn ei ffawd, neu fentro i wynebu canlyniadau chwilio am ei rhyddid.

I Am Not a Witch oedd ffilm gyntaf y gwneuthurwr ffilm Rungano Nyoni, sy’n hanu o Gymru a Zambia, ac fe’i dangoswyd yn ystod Penwythnos y Cyfarwyddwr yn Cannes, ac enillodd wobr BAFTA am y ffilm Brydeinig Orau gan Dalent Eithriadol.