Cronfa Arddangos Ffilm

Mae’r alwad agored hon yn gwahodd sinemâu annibynnol, gwyliau ffilm, sinemâu untro a sinemâu cymunedol yng Nghymru i wneud cais am gyllid o’r Gronfa Arddangoswyr Ffilmiau.

Rydyn ni’n chwilio am gynigion arloesol sy’n dod â chynulleidfaoedd Cymru at ei gilydd i fwynhau ffilmiau beiddgar sy’n ysbrydoli ac yn cyffroi. Rydyn ni’n awyddus iawn i gefnogi syniadau sy’n dangos ymrwymiad i’r Gymraeg, cynaliadwyedd amgylcheddol, a chwalu rhwystrau economaidd, ac sy’n ystyried cynulleidfaoedd anabl, cynulleidfaoedd ifanc, cynulleidfaoedd dosbarth gweithiol, a chynulleidfaoedd Du a’r Mwyafrif Byd-eang.

Yn 2024-25, bydd Ffilm Cymru yn gwahodd ceisiadau ar ddau achlysur. 

Pwy all ymgeisio?

Mae’r alwad agored yma ar gyfer y Gronfa Arddangos Ffilm yn gwahodd ceisiadau gan sinemâu annibynnol, gwyliau ffilm, digwyddiadau un-tro a sinemâu cymunedol sydd wedi’u lleoli yng Nghymru.

Am faint gai ymgeisio?

Mae'r alwad yn agored i geisiadau o hyd at £15,000, a hyd at 75% o gyfanswm y costau, i gefnogi gweithgaredd fydd yn cael ei gynnal dros gyfnod o12 mis o ddechrau'r dyfarniad.

Sut ydw i’n ymgeisio?

Darllenwch ein canllawiau ar gyfer Cronfa Arddangos Ffilm. Mae’r ffurflenni cais ar gael isod. Rhaid cyflwyno pob cais i audience@ffilmcymruwales.com 

Dyddiadau Cau

• Rownd Un: 8 Gorffennaf 2024
• Rownd Dau: 4 Tachwedd 2024

Manylion Cyswllt

Caiff y Gronfa Arddangos Ffilmiau ei gweinyddu gan Georgina Morgan (Cydlynydd y Prosiect): georgina@ffilmcymruwales.com