Sinema Cymru

Yn dilyn blwyddyn gyntaf arloesol o ddatblygu ffilmiau nodwedd Sinema Cymru, rydym yn falch iawn o agor ail gylch o gyllid datblygu.

Eleni, yn ogystal â cheisiadau gan wneuthurwyr ffilm sydd wedi hen ennill eu plwyf, rydym yn annog ceisiadau’n benodol gan wneuthurwyr ffilm newydd. Rydym eisiau taflu'r rhwyd hyd yn oed yn ehangach i wahodd cynigion am ffilmiau nodwedd sinematig ag iddynt weledigaeth, gydag apêl fyd-eang a Chymreictod yn rhan greiddiol ohonynt.

Sylwch fod Sinema Cymru eleni yn cynnig dwy lefel o nawdd yn ein cronfa ddatblygu - dyfarniadau bach hyd at £10,000, a dyfarniadau mawr hyd at £30,000 (darllenwch y canllawiau isod yn ofalus i weld pa un i wneud cais amdano).

Bydd Sinema Cymru, sy’n rhaglen datblygu talent yn ogystal â chronfa ffilm, yn gweithio gyda thimau creadigol i ddatblygu cynlluniau datblygu gyrfa pwrpasol yn ogystal â chefnogi prosiectau. 

Rhaid i dimau allu ymrwymo i amserlen dynn ar gyfer datblygu, a fydd yn broses fwy dwys nag arfer o ddatblygu ffilm, felly cofiwch hyn wrth wneud eich cais.

Gwybodaeth am Sinema Cymru

• Rhaglen i gefnogi ffilmiau Cymraeg sengl sydd â’r potensial i ymddangos ar y sgrin fawr.
• Rhaid i geisiadau gynnwys prif awdur, cyfarwyddwr neu gynhyrchydd sydd wedi'i leoli yng Nghymru (ond nid oes angen i bob rôl fod wedi cael ei llenwi ar adeg gwneud y cais). 
• Dylai ymgeiswyr fod â phrofiad perthnasol o weithio yn y diwydiannau creadigol. Nid ydym yn disgwyl i holl aelodau craidd y tîm fod â phrofiad o’r sgrin, ond yn y pen draw byddwn yn chwilio am gydbwysedd o brofiad ar draws aelodau’r tîm. 
• Nid oes angen i bob aelod o'r tîm ysgrifennu, cyfarwyddo, cynhyrchu fod yn siaradwyr Cymraeg rhugl.  
• Bydd angen i dimau sicrhau bod digon o amser i fodloni amserlenni’r cynllun, gyda’r nod o sicrhau bod ffilm yn cael ei gynhyrchu yn gynnar yng Ngwanwyn 2026. 
• Bydd timau hefyd yn cael pecyn cymorth pwrpasol ar gyfer elfennau fel mentora neu bresenoldeb yn y farchnad a fydd yn cefnogi’r broses o ddatblygu eu gyrfa a’u ffilm.

Dyddiad cau

Y dyddiad cau ar gyfer rhaglen Sinema Cymru eleni yw:

Hanner dydd 16 Mehefin 2025 

Byddwn yn rhoi gwybod i ymgeiswyr am y canlyniadau o fewn 4-6 wythnos i'r dyddiad hwn, gyda'r gweithgaredd yn dechrau yn syth ar ôl hynny. 

Sut mae gwneud cais?

Oni bai ein bod wedi cytuno ar ffordd arall o wneud cais gyda chi (gweler cymorth Mynediad isod) dylech wneud y canlynol: 

1. Darllen y Canllawiau
2. Llwytho’r ffurflen gais i lawr a’i llenwi
3. Anfon y ffurflen wedi’i llenwi ac unrhyw ddogfennau ategol angenrheidiol at applications@ffilmcymruwales.com 

Beth sydd ei angen arnaf i ymgeisio? 

Ynghyd â’ch ffurflen gais, bydd gofyn i chi gyflwyno’r dogfennau a nodir yn y Rhestr Gyfeirio wrth Wneud Cais, gan gynnwys:

• Sgript ar gyfer y prosiect dan sylw yn y cais NEU stori o 2000 o eiriau o leiaf, ond dim mwy na 5000 o eiriau.
• Darn ysgrifenedig enghreifftiol llawn gan yr awdur (e.e. ar gyfer pennod deledu lawn, ffilm, drama). Os yw'r enghraifft yn ffurf fer, sy’n llai nag 20 tudalen, yna dylid darparu dau ddarn enghreifftiol. 
• CVs ar gyfer eich tîm craidd a dolen i waith blaenorol mwyaf perthnasol y cyfarwyddwr (os yw'n rhan o gwmni)
• Manylion cytundebau hawliau sylfaenol/opsiwn os yw'n berthnasol 
• Copi o bolisi cynaliadwyedd eich cwmni, polisi bwlio ac aflonyddu, polisi amrywiaeth a chynhwysiant (os ydych chi'n gwneud cais fel cwmni)

Cael gafael ar gefnogaeth a chynhwysiant

Rydym yn credu mewn sector sy'n gweithio i bawb ac rydym yn angerddol am ehangu mynediad i'r sector sgrin.

Ar gyfer ymgeiswyr sydd â gofynion mynediad, er enghraifft unigolion sy'n fyddar, trwm eu clyw, pobl anabl neu niwroamrywiol, a phobl sydd wedi colli eu golwg, mae cymorth pellach ar gael i gwblhau cais. Cysylltwch â ni i roi gwybod i ni sut y gallwn helpu. Er enghraifft, gallwn dalu costau cyfieithydd Iaith Arwyddion Prydain ar gyfer cyfarfod gyda ni cyn gwneud cais, neu gymorth i ysgrifennu i ymgeiswyr dyslecsig, ymestyn y dyddiad cau ar gyfer ymgeisio, neu gytuno ar fformatau eraill ar gyfer gwneud cais fel ceisiadau fideo neu ddec sleidiau. Byddwn yn ymateb i’ch anghenion. 

Manylion Cyswllt 

Os oes gennych unrhyw gwestiynau neu geisiadau mynediad, cysylltwch â'r isod cyn y dyddiad cau:
Gwenfair Hawkins, Swyddog Gweithredol Datblygu a Chynhyrchu, gwenfair@ffilmcymruwales.com

Rydym hefyd yn cynnig 121 o slotiau gyda swyddog gweithredol Sinema Cymru os oes unrhyw rannau o'r broses ymgeisio nad ydych yn siŵr ohonynt. Mae'r rhain yn cael eu cynnig ar 26 a 27 Mai, a gallwch gofrestru drwy'r ddolen isod.