Ein Ffilmiau

Wedi gwylio fideo ffiaidd, sydd yn rhyfedd o gyfarwydd, mae Enid, sy’n sensor ffilm, yn penderfynu ceisio datrys dirgelwch pam a sut fu ei chwaer ddiflannu, ac mae’n cychwyn ar daith sy’n chwalu’r llinell rhwng ffuglen a realaeth.

Mae Mandy yn fam, yn awdures ac yn nihilydd. Mae Mandy yn fenyw fodern mewn argyfwng.

Awst 1939 ac mae’r Ail Ryfel Byd ar y gorwel.

Pan gaiff Jane ei gwrthod gan fywyd mae’n disgyn i fyd gwallgof, sgitsoffrenig ble mae cariad a normalrwydd yn gwrthdaro gyda chanlyniadau doniol.

Mewn pentref bychan yng nghysgod gorsaf bŵer niwclear, mae’n rhaid i deulu tocsig sydd â gorffennol ymfflamychol wynebu’r ysbrydion sy’n bygwth eu dyfodol.

Ffilm dogfen gerddorol hir sy’n adrodd hanes rhyfeddol dau frawd o Gymru a drodd eu ffarm yn un o’r stiwdios recordio mwyaf llwyddiannus erioed.

Mae pedwar o fechgyn ifanc yn crwydro cefn gwlad Cymru yn ystod un o hafau poeth y 1970au, nes i drasiedi ddod ar eu traws sy’n newid eu bywydau am byth.

Mewn cyfnod gwyllt sydd ar fin esgor ar aflonyddwch cymdeithasol dramatig, mae dau fyd gwahanol iawn yn gwrthdaro gyda chanlyniadau trasig i stori garu arbennig.

Mae’r ffilm ddogfen hir yma’n adrodd straeon teuluoedd deg o Gatholigion oedd yn byw ar Ystâd Ballymurphy, Gogledd Iwerddon yn 1971.

Mae dau Lundeiniwr hoyw, Mike a Fred, yn cynllunio penwythnos llawn direidi wrth ddychwelyd i  herio perchennog Cristnogol llety Gwely a Brecwast sydd wedi ei erlyn gan y gyfraith.

Hanes dau lysfrawd ifanc, Michael a Thor, wrth iddynt deithio o Shetland i Glasgow am resymau gwahanol iawn.

Crëwyd Queerama o’r cyfoeth sydd i’w ddarganfod yn Archif Cenedlaethol y BFI, ac mae’n portreadu canrif o berthnasau, dyheadau, ofnau ac ymadroddion dynion a menywod hoyw.

Er mwyn achub ei merch sydd wedi ymbellhau oddi wrthi, mae’n rhaid i fam sy’n llawn euogrwydd ddatgelu’r gwirionedd arswydus sy’n bodoli y tu ôl i chwedl ddinesig am wrach atgas, ddialgar.

Yn seiliedig ar lyfr gwobrwyol Raymond Briggs, mae’r ffilm nodwedd hon, sydd wedi ei hanimeiddio â llaw, yn cynnig darlun hoffus ac annwyl o fywyd dau o bobl gyffredin sy’n byw mewn cyfnod anghyffredin, gyda’r gymdeithas yn newid yn aruthrol o’u hamgylch.

Ger arfordir Gogledd Korea mae uned arbennig yn meddiannu llong ymchwil fasnachol a’i siambr danddwr er mwyn darganfod lleoliad gwrthrych dirgel sydd wedi suddo i ddyfnderoedd y Môr Melyn.

Stori gynhyrfus am farwolaeth, unigrwydd a niwrosis. Mae’r ffilm arswyd seicolegol hon yn seiliedig ar ddirgelwch morwrol o’r 19eg ganrif, gan adael un ceidwad goleudy yn farw a’r llall yn wallgof.

Mae gefeilliaid yn gosod trap yn Llyfrgell Genedlaethol Cymru er mwyn dal pwy bynnag laddodd eu mam oedd yn nofelydd.

Mae mam yn galaru am ei phlentyn ac yn cyflogi ocwltydd i gynnal defod i sicrhau bod ei hangel gwarcheidiol yn ymddangos.

Mae Jim yn unig ond mae ei fywyd yn newid yn sylfaenol pan daw cymydog newydd enigmatig i’r dref.

Yn y ffilm ddogfen hir hon ceir cipolwg personol ar wrywdod a mamolaeth.

Caiff canwr anadnabyddus ei wthio i flaen y llwyfan fel Elvis wedi dychwelyd o’r bedd.

Mae gwirioneddau trasig yn dod i’r fei wrth i fywyd cwpwl ifanc wrthdaro â dyn cythryblus sy’n byw mewn cwm unig yng Nghymru.

Ffilm ddogfen hir yn adrodd hanes taith un dyn i gymodi â’i wraig yn y tacsi fu’n gyfrifol am eu cyfarfyddiad cyntaf degawdau ynghynt.

Ffilm ddogfen gan y cerddor unigryw Gruff Rhys sy’n ei ddilyn ar daith gerddorol drwy America wrth iddo ail-gerdded yn esgidiau un o’i hynafiaid o’r 18fed ganrif, Don Juan Evans.

Ffilm ddogfen am blant anghyfreithlon Morocco, y tadau sy’n eu gadael, a’r mamau sengl sy’n cwffio am gyfiawnder.

Mae Tim yn fachgen da, mae Tim yn droseddwr. Ac mae’n rhaid i Tim gadw’i deulu yn fyw yn wyneb haint marwol.

Addasiad Cymraeg radical, swrrealaidd ac erotig o ddrama radio glasurol Dylan Thomas, Under Milk Wood.

Stori epig ceffyl rasio y daeth ei daith helbulus drwy fywyd yn symbol o obaith i’r gynghrair Gymraeg a fuddsoddodd eu ceiniogau prin, a’u calonnau, ynddo.

Mae academydd yn ceisio ffrwyno dyn gwyllt byd barddoniaeth Cymru yn ystod taith gynhyrfus o amgylch America.

Mae dyn sy’n amau bod ei wraig yn ei dwyllo yn credu bod eu tŷ yn cael ei aflonyddu gan bresenoldeb drwg sy’n ei annog i ddial arni mewn modd dychrynllyd.

Mae gwraig ifanc sy’n galaru yn cael ei dal rhwng ei gŵr gormesol a throseddwr ifanc sy'n cael ei yrru i fyw atynt.

Mae bywyd Fay, merch ifanc yn ei harddegau, yn ymddangosiadol berffaith ond go iawn mae’n dechrau dirywio.

Yn un o leoliadau cyfrinachol y llywodraeth mae gwyddonydd blaenllaw yn cael ei gyflogi gan y llywodraeth i greu arf go arbennig, y peiriant gorau erioed i ladd androidau.

Mae merch yn ei harddegau yn brwydro i ddal gafael ar ei phwyll yn y ffilm arswyd oruwchnaturiol hon.

Darlun hunllefus o berthynas garwriaethol angerddol, peryglus a phechadurus.

Michael Sheen sy’n arwain y dehongliad newydd hwn o gynhyrchiad arloesol National Theatre Wales o Ddrama’r Dioddefaint.

Ffilm ddogfen delynegol wedi ei lleoli mewn tref yn Tecsas, sy’n rhannu profiadau rhai o’r milwyr fu’n ymladd yn Fietnam gyda milwyr fu’n rhan o ryfeloedd mwy diweddar.

Drama gerdd hwyliog yn dathlu criw o bobl ifanc o Abertawe wrth iddynt ddod-i-oed yn ystod haf hir poeth ’76.

Wedi ei lleoli mewn Ail Ryfel Byd amgen, ble mae’r Natsïaid wedi goresgyn Prydain, mae menywod cymuned amaethyddol yn datblygu perthynas llawn tensiwn gyda’r meddianwyr.

Archwiliad lliwgar o fywyd a gwaith Andrew Logan wrth iddo baratoi ar gyfer ei sioe Miss World amgen.

Mae tywysoges o Nuba yn cael ei herwgipio yn y Swdan a’i chadw fel caethferch ym Mhrydain.

Mae pâr ifanc yn teithio i Batagonia er mwyn ymweld â’r gymuned Gymraeg sy’n byw yno, ac ar yr un pryd mae hen fenyw o’r Ariannin yn dychwelyd i wlad ei chyndadau - Cymru.

Miwsical seicadelig sy’n dilyn Gruff Rhys, yr eicon Cymreig, ar daith drawsgyfandirol wrth iddo  chwilio am ei ewythr coll o Batagonia, y gitarydd Rene Griffiths.

Mae gan Oliver Tate, sy’n 15 oed, ddwy nod: colli ei wyryfdod ac achub ei fam rhag ei chariad cyfrin.

Stori swynol a theimladwy am frawdoliaeth a chyfeillgarwch yn wyneb trasiedi.

Mae ffermwr gwyn penderfynol o Zimbabwe yn mynd â Robert Mugabe i'r llys hawliau dynol i herio'r rhaglen atafaelu tir yn y rhaglen ddogfen nodwedd hon sydd wedi ennill sawl gwobr.

Portread ingol o gymuned wledig yng Nghymru sy'n newid am byth.