Ffilm Cymru yn cyflwyno Storïau 60 Eiliad: Casnewydd, gyda Charlotte James a Jamie Panton

Mae rhaglen Storïau 60 Eiliad - Casnewydd, yn canolbwyntio ar y broses greadigol ac ymarferol o saernïo ffilmiau byrion 60 eiliad.   

Bydd y rhaglen pump diwrnod hon yn amhrisiadwy i unrhyw un sydd eisiau datblygu eu sgiliau adrodd stori, yn ogystal â datblygu eu sgiliau creu ffilmiau gweledol ac ymarferol.  

Lleol: The Place, Casnewydd

Tiwtoriaid

Mae Charlotte James yn awdur a chyfarwyddwr o Gymoedd De Cymru. Mae ei gwaith wedi'i wreiddio yn y gymuned lle cafodd ei magu—yn llawn dygnwch, hiwmor a chalon—ac mae'n angerddol am adrodd storïau sy'n adlewyrchu gwirioneddau bywyd dosbarth gweithiol. Gan gyfuno comedi dywyll â delweddau swrrealaidd, hiraethus, mae gwaith Charlotte yn herio stereoteipiau blinderus ac yn cynnig golwg ffres, ddi-flewyn-ar-dafod ar y byd y mae hi'n ei adnabod orau. Mae’n gyd-sylfaenydd Bleak Fabulous. Mae ei gwaith wedi’i arddangos yn Sefydliad Martin Parr ac wedi derbyn canmoliaeth feirniadol ryngwladol. Cynhyrchwyd ei ffilm fer gyntaf, Doss House, gan Maisie Williams o dan ei chwmni cynhyrchu RAPT , a chafodd ei dewis ar gyfer Gŵyl Ffilmiau Byrion Llundain fel rhan o They Call Us Working Class.  

Mae Charlotte bellach yn datblygu ei hail ffilm fer ac yn ysgrifennu ei ffilm nodwedd gyntaf—prosiectau sydd, fel ei holl waith, yn cael eu gyrru gan gymeriad, cymuned, a chariad dwfn at y lle y mae'n ei alw'n gartref. Mae'n aelod balch o SCYMRU, grŵp o wneuthurwyr ffilmiau o Gymru. A hithau â’i thraed ar y ddaear ond yn llawn gweledigaeth, mae Charlotte yn dod â phobl ynghyd trwy stori, hiwmor, a llygad craff am yr hyn sy’n brydferth ac yn rhyfedd mewn bywyd bob dydd.  

Gweithiodd Jamie Panton ar Brosiect Storiau 60 Eiliad, Abertawe, ochr yn ochr â Charlotte, gan gefnogi'r straeon o'r syniad cychwynol hyd at y cwblhau ar ffonau symudol. Mae Jamie wedi bod yn gynhyrchydd fideo ers dros ddegawd. Cododd ei gamera gyntaf yn 15 oed ac nid yw wedi'i rhoi i lawr ers hynny. O strydoedd prysur Llundain i oleuadau llachar LA a llewyrch neon Tokyo, mae wedi gweithio ymhell ac agos i ddal eiliadau pwysig. 

Y Sut

Bydd 10 o gyfranogwyr yn ymateb â'u llais creadigol eu hunain ac yn dysgu sut i ddod â'u hysgrifennu'n fyw drwy ddelweddau ffilm a llun, sain a golygu (gan ddefnyddio dyfais ffôn clyfar). Gall y ffilmiau gael eu hysbrydoli gan waith ysgrifennu (ffuglen fflach, cerddi, cyfweliadau neu ddarnau llafar) a fydd wedi’i ddatblygu ar y rhaglen.   

Bydd Storïau 60 Eiliad Casnewydd yn helpu’r cyfranogwyr i: 

• Creu cerdyn galw i’w llais creadigol  
• Gwneud eu cynnwys ffurf fer yn fwy deniadol a sinematig.  

Yr Amserlen

Diwrnod 1: Dydd Mercher y 14fed o Ionawr 10am - 4pm  

• Sesiwn Stori a Naratif   
• Edrych ar wahanol bosibiliadau naratif ffurf fer.  
• Sefydlu stori a naratif.  
• Cynhyrchu darn o ysgrifennu creadigol wedi'i ysbrydoli gan eu syniad.  

Diwrnod 2: Dydd Iau y 15fed o Ionawr 10am - 4pm 

• Sesiwn Creu'r Delweddau  
• Troi’n dechnegol gyda chamera ffôn clyfar ac archwilio eu gallu i gynhyrchu delweddau wedi'u recordio o ansawdd uchel.   
• Edrych ar gyfansoddiad, arddulliau a thechnegau.  
• Cynllunio saethiadau ar gyfer ffilm fer.   

Diwrnod 3: Dydd Mercher y 21fed o Ionawr neu Dydd Iau y 22ain o Ionawr  
(Bydd slotiau amser ar draws y dyddiau hyn yn cael eu dosbarthu.) 

• Sesiwn Ffilmio’r Weledigaeth  
• Recordio stori gan ddefnyddio ffôn clyfar.  

Diwrnod 4: Dydd Mercher y 28ain o Ionawr  

• Sesiwn Ôl-gynhyrchu  
• Dysgu sut i olygu'r cyfan at ei gilydd.  
• Ychwanegu trac sain Foley, naratif addas neu gerddoriaeth.  

Diwrnod 5: Dydd Iau y 29ain o Ionawr 
(Bydd slotiau amser yn cael eu dosbarthu.) 

• Mae sesiynau ôl-gynhyrchu un i un ar gael os yw'r cyfranogwr angen. 

Bydd y ffilmiau gorffenedig yn cael eu dathlu mewn Digwyddiad Sgrinio ar Dydd Iau y 12fed o Chwefror 

Mae'r cwrs hwn ar gyfer: 

• Unrhyw un 18+ sy'n byw yng Nghasnewydd sydd eisiau datblygu sgiliau creu ffilmiau a chreu cerdyn galw creadigol ar gyfer eu talent adrodd stori.  
• Nid oes angen unrhyw brofiad blaenorol o greu ffilmiau.  
• Ni fydd gennych unrhyw gredydau proffesiynol fel gwneuthurwr ffilmiau (awdur / cynhyrchydd / cyfarwyddwr).  

Y dyddiad cau i wneud cais am le yw Dydd Mawrth 9fed o Rhagfyr. 

Ein nod yw cysylltu â chi erbyn Dydd Gwener y 12fed fan bellaf.

Mae gennym 10 lle ar gael ar y rhaglen hon, a bydd cyfranogwyr yn cael eu dewis yn seiliedig ar eich cais a sut y bydd yn cefnogi eich taith greadigol. 

Byddwch yn derbyn cefnogaeth ariannol fel gweithiwr llawrydd i dalu costau'r rhaglen. Sylwch fod bwrsariaethau ar gael ar gyfer cludiant yn ac o gwmpas Casnewydd (bydd angen cyflwyno derbynebau). Darperir cinio a lluniaeth.